Hair Care Tips Home Remedies in Hindi

Hair Care Tips Home Remedies in Hindi

Baalo ki dekhbhal in hindi- Baalo ki dekhbhal karna bahut hi jaroori hai. Aaj ki post mein hum aapke liye kuch hair care tips home remedies leker aaye hai. In tips ko aajma ker aap kale, ghane, majboot baal pa sakti hai. To der kis baat ki in hair care tips ko apnaye aur baalo ko healthy banaye.

Hair care tips home remedies :-

Scalp massage :

  1. Ek bhag nimbu ke ras ko 5 bhag nariyal ke tel mein mila le. Ab iss mishran se scalp mein massage karein aur adhe ghante baad hair wash kar le.

Nimbu ke ras mein jo acid hota hai, vo dandruff ko door karta hai aur nariyal tel ke sath milane per labh kai guna badh jata hai. Dandruff hone ka main karan yah hai ki scalp ke ph balance ka asantulit hona. Nimbu scalp ka ph balance banaye rakhne mein madad karta hai aur nariyal tel mein conditioning aur antibacterial properties payi jati hai.

  • Raat ko sone se pahle olive oil ko halka garam karke scalp massage karein. Baalo ko cover karke soye. Taki dhul mitti chipke nahi aur subah shampoo kar le.-

Olive oil do tarike se dandruff ko door karta hai. Pahla yah scalp ke dry hisse ko moisturize karke papadi jamne nahi deta hai. Dusara olive oil papadi ki moti parat mein bhi observe ho jata hai, jisse dandruff ki samsya dheere-dheere khatam ho jati hai.

  • Baalo ko moisturize karna bhi jaroori hai. Baalo ko moisturize karne ke liye 5 telo ka istemaal karein- olive oil, almond oil, castor oil, coconut oil aur lavender oil, sabhi ko saman matra mein leker mix ker le. Hair wash karne se pahle massage karein aur 4-5 ghante tak lagake rakhein. Yah massage hafte mein do bar karein.
  • Coconut, amla, olive, almond ya castor oil- chahe jo bhi oil aap use karein usme 2 boond rosemary essential oil ko bhi mix kar le. Isse jaldi fayda hoga. Hafte mein ek bar inme se kisi bhi oil se scalp massage karein. Baalo mein massage karne se blood circulation badhta hai aur baal bhi conditioning hote hai. Jisse baalo ka tootna ya jhadna kam hota hai.
  • 1 tablespoon coconut oil ko gile baalo ke sire per apply karein. Ager baal bahut jayda dry ya damage hai to tel ko raat bhar sar mein laga rahne de aur subah shampoo ker le. Nariyal ka tel baalo ke bhitari parat ko poshan deta hai.
  • Baalo mein butter se massage karein. Aadhe ghante tak shower cap se cover karein. Phir shampoo ker le. Butter vitamins aur minerals se bharpoor hota hai. Yah baalo ko healthy shine deta hai.

Dandruff ke liye hair mask :

  1. Apne shampoo mein 1 tea spoon baking soda milaker hair wash karein. Single wash se hi dead skin aur flex nikal jayege. Baking soda fungus ki kriyashilta ko kam karta hai. Yah mild scrub bhi hota hai, jo scalp ki dead skin aur atirikt tel ko nikal deta hai. 
  2. Aloe Vera gel ko scalp me lagaye aur 15 minute bad shampoo kar le. Iss prakriya ko daily karne se kafi fayda hoga. Aloe Vera mein anti-fungal aur anti-bacterial properties hoti hai. Yah dead skin cells ko nikalne mein kafi karger hai.
  3. 2 tbs kali mirch ko peesker 1 cup dahi mein mila le. Ab iss mishran ko scalp per lagaye. Dhyan rahe ki yah scalp per hi lage baalo mein nahi. 1 ghante bad rinse karke mild shampoo se wash ker le.
  4. Dahi aur kali mirch dandruff ke liye bahut hi achha upay hai, lekin dhyan rahe dahi aur kali mirch dono hi taje ho.
  5. 2 tbs seb (apple) ke ras mein saman matra mein paani milaker scalp mein massage karein, 15 minute bad baal dhul de. Dandruff se hair fall ki samsya bhi hoti hai. Aise mein iss prayog ka niyamit istemaal baalo ko healthy rakhne mein karger sabit hota hai. Dhyan rahe juice mein jyada paani na milaye.

Hair fall ke liye hair mask :

  1. Ek pyaaz ka ras nikal ker scalp mein lagaye. Aadhe ghante bad shampoo ker le. 3 tbs pyaaz ke ras mein 2 tbs aloe vera gel aur 1 tbs olive oil milaye. Ise scalp mein lagaker aadhe ghante bad shampoo kar le. Pyaaz ke ras mein sulfur hota hai. Jo baalo ka jhadna kam karta hai.
  2. Aloe vera juice ya pulp ko scalp per kuch ghanto tak lagaker rakhein. Gungune paani se baal dhul le yah hafte mein 3-4 bar karein.
  3. Daily subah khali pet 1 tbs aloe vera juice pine se bhi baal healthy rahte hai. Aloe vera mein jo enzymes hoti hai, vo healthy hair growth ke liye faydemand hai. Sath hi yah scalp ka ph balance bhi banaye rakhta hai. Jisse baalo ka jhadna kam hota hai. 
  4. Coconut milk se scalp massage karke 20 minute ke bad baal dhul le. Chahe to isme kali mirch powder aur methi powder bhi mila sakte hai. Coconut milk protein essential fats se bharpoor hota hai. Jo baalo ka jhadna kam karke baalo ko majboot banate hai.
  5. 1 cup methi ke beej ko raat bhar paani mein bhigoker rakhein subah peesker paste bana le. Ab iss paste ko baalo mein lagaker shower cap se cover kar le. 40 minute bad baal dhul le. Yah upay daily 1 month tak karein.

Dry hair ki samsya ke liye upay :

  1. Ek aspirin tablet ko powder karke thode se shampoo mein mix karke shampoo karein. Yah 2 hafte mein ek baar kar sakte hai, aspirin mein maujood cyclical acid baalo ki gandagi hata ker baalo ki shine wapas lata hai.
  2. Thode shampoo mein 1 anda milaker lagaye aur 5 minute bad dhul le. Ande mein maujood protein baalo ko healthy aur shiny banata hai.
  3. Avocado ko mash karein aur ek ande mein mix karke geele baalo mein lagaye aur 20 minute bad dhul le. Yah upay hafte mein ek bar karein.
  4. 1/2 cup paani mein 1 tbs vinegar mix karke geele baalo par dalein. Baalo ko comb karein aur 5 minute bad rinse kar le. Vinegar mein maujood acid baalo ki bahari parat ko seal kar deta hai. Yah hair cuticle ko clean karke baalo ko smooth karta hai.
  5. 1 tsp mehandi ki saman matra mein amla powder, nimbu ka ras aur hair oil milaye. Scalp mein ise apply karein aur kuch der bad shampoo kar le. Jisse aapke baal conditioning, shiny aur bouncy ho jate hai.

Hum asha karte hai ki aapko humare dwara di gayi jankari Hair Care Tips Home Remedies in Hindi jaroor pasand aayi hogi. Aap iss post ko like aur share karna na bhule. Sath hi iss post se jude sawal aur sujhav ko aap niche comment box mein bata sakte hai. 

Thank you….

Leave a Reply

Your email address will not be published. Required fields are marked *