How to Apply Lipstick Perfectly in Hindi

How to Apply Lipstick Perfectly in Hindi

Aajkal lipstick mein kai verity hai, Jinhe dekhker confusion ho jata hai ki kaun si lipstick khareedna sahi rahega. Itna hi nahi lipstick ke new sheds ne bhi trend ko badla hai Jaise orange, gold, smoky gray aur time favorite red hai. Ismein se orange creamy lipstick ka chalan sabse jyada hai, Jo hothon ki khoobsurati ubharne ke sath-sath aapko trendy look bhi deti hai.

How to apply lipstick ? Hoth kisi bhi female ki khoobsurati ka mahatvapurn ang hai. Lipstick ke alava aur koi dusra product nahi hai jo hothon ki khoobsurati ko badhaye. Lipstick na keval aapke looks ko change karti hai balki har tarah ke outfit ke sath shandaar appearance bhi deti hai.

Kai logo ke sath yah problem hoti hai ki lipstick apply karne ke kuch der bad ya to lipstick faile jati hai ya to halki ho jati hai kyoki iske 2 reasons ho sakte hai.

  1. Galat product use karna.
  2. Galat tarike se makeup karna.

How to apply lipstick tips :

  • Hothon ko phale halke hathon se baby toothbrush se exfoliate karne se dead skin remove hoti hai. Ab apne hothon ko hydrate karne ke liye lip balm lagaye. Ab aapke hoth lipstick lagane ke liye taiyar hai.
  • Chhote se rui ke tukade per concealer laga ker hothon per lagaye aur achhi tarah se smug karein. Ab aap apne hothon per lip color lagaye jisse lip color sahi mayne mein ubhar ker samne aayega.
  • Ab apni pasand ki matte coral lipstick ko lip brush ki madad se hothon per lagaye.
  • Hyaluronic acid in dino anti-aging cream mein kafi istemaal kiya ja raha hai. Jisse yah kam samay mein hi kamal ka asar dikhata hai. Iske badhiya nateeze ko dekhte hue badi lipstick company bhi sukhe hothon ki samsya ko khatam karne ke liye jaberjast moisturizing wali lipstick leker aayi hai. Yah bhale hi patli dikhne wali aur kam matra mein lagani hoti hai, per yah lip balm aur lip color dono ka kam karti hai. Iski finishing silki aur lambe samay tak tikne wali hoti hai. Hothon per papadi jamne aur sukhne ki bhi samsya nahi hoti hai.
  • Lip balm aur serum aajkal hothon ko butter soft karne ke liye asardar hai. Hothon ki extra softness kafi khoobsurat lagati hai. Ise lagane ke kuch der bad hoth hare-bhare dikhne lagte hai.
  • Liquid lip color lip brush ki help se hothon per lagaya jata hai. Is mein kafi bright color aate hai. Upari hoth ke ubhare hue bhag per bright berry color baki color se jyada bright lagta hai.
  • Velvet lip pencil ab 10-12 sheds mein aapko mil jayegi. Hot pink aur red jaise essential color hai.
  • Extra glow lipstick mein aajkal orange color khoob chal raha hai. Deep coral, sheer orange , peach coral aur red color gehue rang ki twacha per khoob jach raha hai. Ager hothon per kalapan hai to behtar hoga ki hothon per foundation ka halka touch up karein, phir lipstick lagaye. Isse hoth per lip color ki khoobsurati ubharegi.

Read also : Best Home Remedies for Dark Elbows and Knees 

  • Lipstick ko der tak tikne ke liye aapko jyada mehnat karne ki jaroorat nahi hai. Aaj kal market mein long lasting moisturizing booster lip color aa raha hai. Jisme pink, orange, rust color kafi popular hai.
  • Sawali skin tone per bright lip color bahut khoobsurat lagata hai. Apni skin tone ke according hothon per roll on pack mein aane wali cream foundation ka light touch de. Hothon ke color ko neutralize karne ke liye hothon per orange canceler lagaye. Iske uper aap apni pasand ka lip stain bhi laga sakti hai. Wine, burgandi, mahroon, orange aur red color laga sakti hai. Brown aur poppy pink lipstick sheds lagane se aap ko bachna chahiye.
  • Orange lip color ankhon ko attractive karta hai. Khasker tab jab black-brown eye per, black eye winged eyeliner lagaye. Aise mein eye makeup kafi soft look dega. Sun-kissed bronze eye-shadow mascara ya black extended eyeliner lagaye. Vaise bhi orange lip color ke sath black eyeliner khoobsurat dikhta hai. Baby pink blusher galon (cheeks) per lagaye, jisse makeup balance dikhe. 
  • Color season, lip color ke mausam mein kuch bright color ke red aur pink shed behtar dikhega. Aise lipstick sheds ka istemaal karein, jiska texture soft aur creamy ho. Aise texture se hothon per perfect pout banega.

How to apply long lasting lipstick :

Hothon per foundation ki patali layer lagaye, halka sukhne per lip pencil se outline banaye. Phir lip color lagaye.

Lip pencil se outline lagane ke bad lip color lagaye. Ise der tak tikane ke liye aap baby powder ko hothon per halke hath se lagaye aur makeup brush se extra powder nikal de. Ek bar lip color phir se lagaye. 

Ab aap 9 to 5 long lasting lip color lagaye. Iss tarah ki lipstick lagane ke bad beech mein touch up karne ki jaroorat nahi hoti hai. Long lasting color hamesha moisturizing wala hi le. Matte finishing lip color ki wazah se hoth rukhe aur papadi dar hone ki sambhavna rahti hai.

Note : 5 ghante ke bad jab lip per touch up karne ki jaroorat mahsoos ho, to dobara wahi color lagane ki jagah lip glass lagaye. Hothon ka akarshan (attraction) bana rahega.

Mai umeed karti hu aap sabhi ko yah How to Apply Lipstick Perfectly in Hindi post jaroor pasand aayi hogi. To Guise aap bhi ise try kare, sath hi isse social media par like aur share karna na bhulein. Iss post se jude koi saval ya shujav hai to comment box mein jaroor bataye.

7 thoughts on “How to Apply Lipstick Perfectly in Hindi

Leave a Reply

Your email address will not be published. Required fields are marked *