How to glow skin in winter season

How to glow skin in winter season:

Thand mein aapki skin dry ho jati hai, aapki twacha jald hi nami kho deti hai. Sukhi twacha blood circulation ko rokti hai. Jiski wazah se aapki twacha shukhi bejaan, fati hui si ho jati hai. Aapki heals mein bhi darare padh jati hai. To chaliye jante hai how to glow skin in winter season…..

Skin care tips in winter:

  • Aapni twacha mein nami banaye rakhe aur din mein kai baar moisturizer ka prayog karein.
  • Aise moisturizer ka use karein jisme oil ki matra jyada ho. Ager moisturizer mein oil ki matra jyada hogi to yah lambe samay tak aapki twacha mein nami banaye rakhega.
  • Humectant moisturizer hi market se khareede. Yah aapke chehre ka blood circulation banaye rakhta hai. Jisse twacha chamakdar bani rahti hai.
  • Moisturizer ko aap garam aur halki gili twacha per lagaye to jyada effective hota hai. Nahane ke jagah per aap moisturizer rakhe aur nahane ke baad sukhe towel se pochker poore shareer per lotion lagaye.

Oil:

  • Humein aise tel ka use karna chahiye jo ki twacha mein chipka na rahe, aur dhyan rahe ki tel twacha ke rom chhidro ko band na karein, Tatha tel ke gun achhe se twacha mein sama jaye.
  • Jaitoon ka tel, nashpati ka tel tatha primrose ka tel twacha ke liye kafi achhe hote hai.
  • Natural oil- rose-merry ka tel, jojoba ka tel aadi blood circulation ko thik karte hai. In telo se adhik thand mein bhi aapki twacha mein garamahat ka ehsaas hoga.
  • Moisturizer oil-Lavender oil tatha tea tree oil ka use karein. Ye twacha ko nami dega aur jwalansheel twacha se chhutkara deta hai.

Cleanser:

  • Glycolic acid aur Salicylic acid jaise humectant se yukt cleanse ko choose karein. Yah twacha ke rom chhidra se relative problem ko door karta hai, aur twacha ko soft banata hai.
  • Cleanser lagane ke baad twacha ko turant dhak le. Isse twacha ke ander nami bani rahegi.

Warm water:

Garam paani se jyada time tak na nahaye. Kyuki garam paani se aapki twacha per maujood lipid ki surksha parat ko hata deta hai. Nahane mein jyada samay na lageye tatha gungune paani se nahaye.
Ager aap gungune paani se naha rahe hai to, paani mein 1 cup doodh aur jaitoon ya badam ke tel ki kuch boonde dalein. Aap iss paani mein daliya aur angoor ke beez bhi dal sakte hai. Iss paani se shareer ko 30 minute tak bhigoker rakhein.
Glycerin yukt sabun ka istemaal karein. Nahane ke baad shareer ko towel se pochh le.

Goodness of milk:

Doodh mein maujood lactic acid skin ki achhi safai karta hai. Doodh ek soft moisturizer bhi hai. Soft aur nikhri hui twacha paane ke liye lactic acid yukt moisturizer ka istemaal karein.

Read slso : Eyebrow Threading karne ka sahi tarika 

Care of dry hand:

  • Gungune paani se hath dhule.
  • Soft hand wash ka prayog karein.
  • Hath dhulne ke baad hathon mein moisturizer jaroor lagaye.
  • Hathon ke liye patale suti (cotten) dastane se dhak ker rakhein, woolen gloves ka use na karein.

Dry skin:

Skin ke liye moisturizing cream ka use karein. Alcohol se bharpoor toner aur scrub tatha peels masks se door rahe. Aap naspati, sahad, doodh aur lavender ka use kerke winter season ka gharelu face masks bhi bana sakti hai. Aur twacha ko thande paani se dhule.

Crack heel feet:

  • Pairo ko nami dene ke liye lactic acid yukt gadha moisturizer din mein kam se kam 2 baar lagaye.
  • Pairo ki mrit (dead) twacha nikalne ke liye apni heals ko scrub karein.
  • Pairo ki nami banaye rakhne ke liye socks ka use karein.

Chapped lips:

Hamesha lip per lip balm ka use karein. Aur lip balm ko sath hi rakhein. Jaise ki jaroorat padne per aap lip balm ka use ker sakte hai. Isse hoth mulayam aur nami yukt rahege.

Aapko aaj ki humari yah How to glow skin in winter season post kaisi lagi hume comment karke jaroor batayein, aur iss post ko please like aur share karna na bhulein.

2 thoughts on “How to glow skin in winter season

Leave a Reply

Your email address will not be published. Required fields are marked *