How to Make Waxing at Home Less Painful

How to Make Waxing at Home Less PainfulHello girls, aajkal waxing ka craze joro per hai. Sabhi mahilaye waxing ke jariye anchahe baalo se chhutkara pana chahti hai. Waxing ko hair removal cream aur razer se jyada safe mana jata hai. Kai baar parlor jana bhi sambhav nahi ho pata hai. Aise mein aap ghar per waxing taiyar ker sakti hai. Bazar mein aise kai mom utpaad milte hai, jinka aap prayog ker sakti hai, aur khud hi bina kisi problem ke iska ghar per prayog ker sakti hai. Kuch logo ko apni skin ko baal muqt rakhna achha lagta hai, lekin waxing mein hone wale dard se darte hai. To aapko aaj ke iss post mein batayege ki how to make waxing at home less painful……

Tricks to make waxing less painful:-

Waxing karne ka tarika:

Waxing hamesha chhote bhag se shuru karein. Kyoki waxing karte samay aapko dard hoga, ager chhote bhag se waxing start ki jaye to achha rahega. Ager aap poore hath mein waxing karne ja rahe hai to pahle kalai ke upari bhag se shuru karein jaha aap ghadi (watch) pahenti hai. Issi tarah aap apne pairo mein waxing karwati hai to takhno (ankles) se shuruaat karein. Ek baar aap chhote bhago mein waxing ker lege to aapko dard ka andaja ho jayega to aap apne hisab se waxing karne ki jagah ko badha sakti hai.

Baal saaf karne ka tarika:

Ager aap kisi sensitive jagah per baal saaf ker rahe hai to, iske liye sabse achha tarika hai sun karne wali cream ka use karein. Yah aapke shareer ke un bhago ko sun ker deta hai jaha aapko waxing karni hai. Jisse aapko dard ka ehsaas nahi hoga.

Exfoliate scrub:

Waxing ke time dard ko kam karne ke liye aap jis jagah mom ka use karte hai, us per exfoliate scrub ka use karein. Kai baar twacha ke baalo aur mirit twacha ke jakad jane per waxing ke samay dard hota hai. Pahle aap dead skin cells ko nikal ker waxing karein. Exfoliation ke time dead skin cells nikal jate hai, aur waxing time dard bhi kam hota hai.

Aramdayak lotion:

Waxing karne se pahle aramdayak lotion lagana bahut jaroori hai. Jisse aapko lambe samay tak aram mahsoos hoga aur waxing karte samay dard se bhi rahat milegi. Asani se baal hatane ke liye in prakriya ka prayog ker sakte hai. Ager aapke relatives ya friend wax karwane se darte hai to unhe iss khas tarah ki waxing ke bare mein bataye.

Twacha ko khichne ke liye hath ka use karein:

Twacha jitni tight hogi waxing ke samay utna hi achha rahega. Jab aap mom lagane ke baad khichte hai to patale kapade ka use karein, patale kapade ko rakhker apni twacha ko jor se pakad le, jisse ki kapade ko khichte samay aapki twacha tight ho jaye, aur isse dard bhi kam hota hai. Iss prakriya se bina dard ke waxing poori karein. Beauty parlor mein bhi dard ko kam karne ke liye yah prakriya ajma sakte hai.

Read also : How to Remove Oil from Face Naturally in

Thandi sek

Wax ke dard se chhutkara pane ke liye thandi sek ka praog ker sakte hai. Kyoki thandi sek mein berf, twacha ko sunn karne ka kam karti hai. Thandi sek ke baad waxing ki jaye to dard se rahat milegi. Kyoki waxing ke baad bhi aapko jyada dard aur jalan ka samna karna padta hai, aap thandi sek ka prayog waxing ke baad bhi ker sakte hai. Jisse twacha ko better feel hoga.

Pudina:

Pudina ki pattiyon se aapki skin ko thandak milegi. Waxing se prabhavit hone wale bhag per iss prakriya se pahle pudine ka paste laga le, isse aapko waxing ke time hone wale dard se chhutkara milega.

Tieght kapado se bache:

Waxing ke baad aapko skin ki aur dekhbhal ki jaroorat hai. Tight kapado se twacha ko nuksan pahuchta hai. Isiliye waxing ke baad tight kapado se door rahna jaroori hai.

Coffee pina band karein:

Jab aap waxing shuru karein to coffee na piye. Kyoki coffee naso mein dard jgata hai, aur waxing ke samay pareshani ka ehsaas hota hai. Coffee waxing mein ho rahe dard ko badhata hai.

Paani piye:

Kya aap jante hai ki jyada paani ka sevan karne se waxing ke samay ho rahe dard se rahat milti hai ? ji ha, jab aap paani ka sevan karte hai to aapki twacha mein nami aa jati hai aur isse twacha fool bhi jati hai aur iss isthit mein waxing asani se ho jati hai. Jo paani ka sevan kam karte hai unhe waxing ke samay jyada dard hota hai.

Twacha ko sikodne se bache:

Waxing time twacha ko sikodne se bache kyoki isse skin ka dard badh sakta hai. Jaha tak ho sake shant rahne ki koshish karein aur apni twacha ko aram ki isthiti mein laye. Isse waxing ke time dard kam hoga.

Friends hum asha karte hai ki hamare dwara di gayi jankari how to make waxing at home less painful aapko  jaroor pasand aayi hogi. Post mein diye gaye tips ko apnaker aap less painful waxing ker sakte hai. So please aap iss post ko apne friends group aur social networking sites jaise facebook twitter google+ per share jaroor karein. Sath hi iss post se jude sawal aur sujhav ke liye comment karna na bhulein.

Thank you…..

One thought on “How to Make Waxing at Home Less Painful

Leave a Reply

Your email address will not be published. Required fields are marked *