How to Remove Oil from Face Naturally in Hindi

How to Remove Oil from Face Naturally in HindiHello friends, Aaj hum iss post mein baat karege ki kaise prakritik tarike se oil ko face se hataya jaye. Dry skin ki tarah oily skin ki bhi bahut sari problems hai. Twacha se tel niklne ke karan kai side effect bhi ho skate hai. Jaise aapke chehre per acne, muhase bhi ho sakte hai.

Tel ko niyantrit karne ke liye log oil control creams, moisturizer aur saundary utpado ka prayog karte hai. Lekin aap natuarl tarike se bina kisi side effect ke acne aur muhaso ko door ker sakte hai. Aur twacha ke atyadhik tel ke hanikarak prabhavo se bachne ke liye hum kuch home remedy pack ka prayog karege. Aiye jante hai ki how to remove oil from face naturally…..

Homemade remedies for oil free face:-

  • Fruits aise padarth hai jo asani se tel se mukti dila sakte hai. Seb (apple) ke ras aur nimbu ke ras ki kuch boondo ko apas mein milaye aur isse chehre per lagaye. Jab yeh mishran sukh jaye to ise saaf ker le. Isse aapki twacha saaf aur nikhri hui lagegi.
  • Doodh bhi chehre se tel ko hatane mein madad karta hai. Chehre ko doodh se dhulna kafi achha upchar hai kyuki isse twacha ka vo tel bhi nikal jata hai jo chehre mein kafi time se chipka hua hota hai. Iss prakriya ke bad twacha per halka sa doodh lagaye aur achhe se dhul le.
  • Aap twacha se tel hatane ke liye honey ka istemaal bhi ker sakte hai aur sirf twacha per ek parat shahad lagaye aur sukh jane per dhul le.
  • Dahi bhi face per se oil hatane ka best formula hai. Dahi mein lactic acid hota hai aur yah kisi anya dugdh utpaad ki tarah hi twacha ko saaf karta hai. Dahi twacha ko natural tarike se sukha deti hai aur iss prakriya mein twacha ka natural oil bhi bana rahta hai.
  • Oily twacha se chhutkara pane ke liye burf ka bhi istemaal bhi aapko adhik tel se chhutkara dila sakti hai. Yah twacha ke ander tak samaye hue tel ko twacha per ek baar burf ka tukda ghiste hi nikal deti hai. Burf ke paani se bhi saman roop se labh hota hai.
  • Nariyal ke doodh mein bahut se khanijo ka mishran hota hai. Nariyal ke doodh ko chehre per lagaye aur kuch der ke bad dhul de. Nariyal mein maujood tel aapki twacha mein maujood nami ko badhata hai. aur aapki twacha se tel ko kam karta hai.
  • Ande ke safed bhag, angoor aur nimbu ka ek mishran banaye. Isse apne chehre per lagaye aur 15-20 minute rakh ker dhul de. Isse aapki twacha mein nayi tajgi ayegi kyuki nimbu twacha ko saaf karta hai aur ande ke safed bhag mein twacha ko kasne ke aur angoor mein twacha ko soft rakhne ke gun hote hai aur ye sabhi milker twacha mein nikhar late hai.
  • Bahut log chehre ko din mein kai baar dhulte hai, lekin chehre ko 3 baar se jyada nahi dhulna chahiye. Isse chehre ko hani pahuchti hai.
  • Makeup wale product mein maujood hard chemical twacha ke tel ki matra ko badhate hai.

Read Also : All Skin Type Moisturizer in Hindi

Multani mitti for oily skin:

Oily skin ke liye multani mitti bahut hi faydemand hai jo twacha ko nikharne ke sath-sath oil ki matra ko bhi kam karta hai. Iske liye multani mitti ko paani mein milaker ek paste taiyar karein, iss paste ko chehre per lagaye aur sukhne de, iske bad chehre ko dhulker saaf ker le.

Gulabjal for oily skin:

Gulabjal chehre se tel ko kam karta hai sath hi cleanser ka kam bhi karta hai. Yah chehre per jami gandagi ko badi hi softness se saaf ker twacha ko chamakdar banata hai. Gulabjal oily skin ke liye bahut hi effective mana jata hai. Gulabjal se bane face pack ko sidhe twacha per istemaal karna jyada effective hota hai.

Tomato for oily skin:

Tamater ka upyog aap chehre se oil hatane mein ker sakte hai. Iske liye ek tamater kate aur iske pulp ko chehre per ragde aur achhe se chehre per laga lene ke bad iske sukhne tak yani 15 minute bad paani se dhul le.

Salt spray for oily skin:

Aap ek glass paani mein 2 chammach namak dalker ghol taiyar ker lijiye. Ab iss ghol ko achhi tarah se hilaye taki namak paani mein ghul jaye. Ab iss mishran ko ek spray bottel mein dalker chehre per chhidke. Chhidkte samay apni ankhon ko band rakhe kyuki yah mishran ankh mein jane se kafi pareshani ho sakti hai. Iss prayog se acne aur muhase se bhi chhutkara milta hai.

Neem paste for oily skin:

Jaisa ki aap jante hai ki neem ke patto mein aushdhi gun paye jate hai. Oily skin ke liye neem bahut faydemand hoti hai. Neem ke patte twacha se muhase, pimples hatane mein kafi faydemand sabit hote hai. Jyadatar saundrya companiya neem ke ansh ki madad se apne product banati hai aur grahak ko naturally ka ehsas karwati hai, Lekin aap ghar baithe muhase aur oily se chhutkara pa sakte hai. 

Mutthi bhar neem ki pattiya le aur pattiyon ko paani mein ubal le inhe tab tak ubale jab tak pattiya apna rang na badal le tatha paani hair rang jaisa na ho jaye. Paani ko thanda hone de aur rui ke fahe ki madad se iska prayog dheere-dheere apne chehre per karein. Ager yah prayog aap daily karege to aapke chehre se acne aur muhase kam hone lagege.

Friends mai asha karti hu ki hamare dwara di gayi jankari aapko jaroor pasand aayi hogi. Aaj humne iss post mein how to remove oil from face ke tips diye hai. In tips ko apnaker aap oil free twacha paa sakti hai. Iss post ko logo tak pahuchane ke liye social networking sites facebook, twitter, google + per share ker sakte hai. Sath hi iss post se jude saval ya sujhav ke liye aap humein comment karna na bhule..

One thought on “How to Remove Oil from Face Naturally in Hindi

  • May 13, 2018 at 6:39 pm
    Permalink

    Great article .couldn’t be write much better! keep it up.

    Reply

Leave a Reply

Your email address will not be published. Required fields are marked *