How to use Instyler Rotating Iron in Hindi

How to use Instyler Rotating Iron in Hindi

Hello friends, jaisa ki aap sabhi jante hai hamari khoobsurati ko badhane mein hair style ka bahut mahatva hai. Ab market mein baalo ko khoobsurat look dene wale instyler ko to aap jante hi hoge. Yah ek aisa tool hai jiski help se baalo ko naya aur khoobsurat style diya ja sakta hai. Market mein kai tarah ke instyler mauzood hai jo aapko alag-alag range mein mil jayege.

Aaj ke samay mein makeup ya achhi dress khoobsurat dikhne ke liye kafi nahi hai, iske liye apne hair style per dhyan dena bhi jaroori hai. Instyler baalo ko khoobsurat style pradan karte hai. Aapke baal kaise bhi ho instyler ki madad se aap har roj ek nayi hair style pa sakti hai.

Aajkal aise instyler bazaar mein aa rahe hai jinper ceramic coating hoti hai, yah baalo ko kam nuksan ke sath sundarta aur style pradan karte hai. Kya aap jante hai how to use instyler rotating iron ?

What is an Instyler ?

Instyler is a hair of tool. Instyler ki madad se baalo ko straight aur polish kiya jata hai. Iss tool se baalo ko nayi-nayi hair style dene ke liye prayog kiya jata hai. Isme rotate karta hua garam cylinder hota hai, iske sath ek hair brush bhi hota hai, jo instyler ke sath kam karte hue baalo ko suljhaye rakhta hai. Instyler na to hair brush hai na hi flat iron, yah rotate karta hua cylinder hai jo baalo ke charo taraf ghumker polish karta hua style deta hai Jaisa aap apne baalo per chahte hai. Brisals ya brush baalo mein teen star tak ki setting ki ja sakti hai. Lekin baalo ki suraksha ke liye behtar hoga ki aap ise minimum level per hi istemaal karein.

Different between flat Iron and Instyler:

Instyler flat iron se bilkul alag hota hai. Flat iron mein baalo ko do plates ke beech rakha jata hai jisse dono taraf se tej garmi baalo per padati rahe. Isme baalo per dabav banaker tej garmi pradaan ki jati hai. Jiska asar baalo ki sehat per bhi padta hai. Iske vipreet instyler mein heat cylinder hota hai jo baalo per kisi ek jagah per hi dabav nahi diya jata hai aur na hi isme baalo ko jaroorat se jyada tapmaan se nuksan pahuchaya jata hai. Instyler ke dwara isme mauzood ghumte hue garam cylinder baalo ko charo taraf se garmi deker ek nischit shape dene me madad karta hai. Instyler dwara baalo ko flip aur curl shape diya ja sakta hai. Baalo ko straight karne mein madad karta hai. Yah aapke baalo ko volume deta hai jo flat iron nahi ker sakta hai.

Uses of Instyler:

Instyler ke ghumte hue cylinder aapke baalo ko volume dene ke sath bouncy banate hai. Ager aapke baal medium length ke hai to yah aapke baalo ko wave aur volume dene me madad karega aur aapke baal lambe hai to straightening dwara ek khoobsurat hairstyle di ja sakti hai. Instyler baalo ko polish ker nayi chamak deta hai. Instyler ki madad se aap roj ek nayi hair style pa sakti hai. Flat iron ka use karne se baal damage ho jate hai lekin instyler baalo ko kam se kam nuksaan pahuchaker khoobsurat style dene me madad karta hai. Ager aapke baalo ki length kam hai ya chhote hai to instyler ki madad se baalo per curl bana sakti hai.

How does an Instyler work:

Instyler mein nek ke charo taraf ghumta ya rotate karta hua belan ya cylinder ke akaar ka ek upkaran hota hai, jo baalo ko chaaro taraf se garmi deta hai. Isse baalo mein kisi ek jagah per nahi balki chaaro taraf se garmi padati hai. Jo baalo ko nischit akaar dene mein madad karta hai. Instyler mein ceramic ki ek parat hoti hai jo baalo ko damage hone se bachati hai. Jab baal instyler ke sampark mein aate hai to isme brisals ke do set hote hai jo baalo ko alag-alag suljhaye rakhne mein madad karte hai.

How to use an Instyler:-

Instyler for curling hair:

Baalo ko curl karne ke liye sabse pahle baalo ko dhulker sukha le. Sukhane ke baad baalo per garadan ke pass se curl karna shuru kare. Apne baalo ke ek section mein leker instyler mein lapete, iske baad brisals se lagate hue baalo ko curl karna start karein. Baalo ko heat dete hue prayapt samay tak instyler mein rakhein. Aur baalo ko sahi dhang se rakhne ke liye clip ka use karein. Jab poore baalo per curl ho jaye to clip nikal de aur baalo ko paddle brush se suljha le aur baalo ko lambe samay tak issi shape mein rakhne ke liye spray ka use karein.

Instyler for straight hair:

Ager aapke baal curly hai to instyler ki help se sidha bhi kiya ja sakta hai. Baalo ko sidha karne ke liye sabse pahle baalo mein shampoo kerke sukha le. Sukhane ke baad instyler ki madad se baalo ko jado ke thoda uper se hold karte hue dabav ke sath thode jyada samay tak instyler mein rakhein aur heat de. Aisa karne se baalo ko chaaro taraf se garmi milti rahegi aur aapke baal curly se straight ho jayege. Curly baalo ko sidha karne ke liye baalo ko poori lambai se straight karna chahiye. Baalo ki jado se shuruaat karte hue aakhiri chhor tak baalo ko instyler mein rakhein. Baalo ko straight karne mein aapko thoda jyada samay kharch karne ki jaroorat hai.

Instyler for fine and thin hair:

Instyler ki madad se baalo ko curl aur straight karte hai usi tarah patle baalo ko bhi instyler ki madad se heavy look mil sakta hai. Aap apne patle dikhne wale baalo mein wave banaker chamak aur ghanatv paida ker sakti hai. Wave aapke patle baalo ko ghana dikhne mein madad karta hai aur isse aapko ek khoobsurat hair style milti hai. Iske liye apne sar ke samne se beech ke hisse se shuruaat karte hue instyler ka prayog karein.

Instyler for short hair:

Ager aapke baal chhote hai to instyler dwara baalo ko curl ker sakti hai aur unhe wave de sakti hai.

Instyler for bangs:

Ager aap apne chehre ko hair style ki madad se new look dena chahti hai to aap apne chehre ke aas pass ke baalo se new look pa sakti hai. Ager aapke baal step ya layered mein hai to aapke liye bahut hi achha option ho sakta hai. Iske liye baalo ko section bana ker barrel mein lapatate hue halka curl de. Isse chehre ke ass pass ya kandho per khula rakha ja sakta hai.

Aapko hamara aaj ka yah post How to use Instyler Rotating Iron in Hindi Kaisa laga aap humein comment kar jaroor bataye sath hi iss post ko like aur share karna na bhulein. 

Thank you….

Leave a Reply

Your email address will not be published. Required fields are marked *