Ombre Makeup Beauty ka Naya Trend

 

Ombre Makeup Beauty ka Naya Trend

Hello friends, Aaj hum baat karenge ombre makeup ke bare mein. Ager aap makeup mein kuch naya try karke logo ki tareefe batorna chahti hai, to yah makeup aap ke liye khas hai…..

Makeup aur beauty ko fresh banaye rakhne ke liye makeup artist kuch na kuch naya nikalte hai. Jisse aapko naya look mil sake. Aaj kal ombre makeup trend mein hai. Chhoti moti party ho ya marriage party ombre makeup har jagah achha lagta hai. Asal mein ombre makeup ombre hair color se hi aaya hai. Jise sabhi ne khub pasand kiya. yahi wazah hai ki iss Technic ko lips, cheeks aur eyes makeup mein bhi laya gaya. Isme ek hi color tone ya contrast color ke light aur dark ka prayog kar makeup kiya jata hai. Jo sundar dikhne ke sath-sath attractive bhi lagta hai.

Ombre makeup fashion mein in hai :

Ombre makeup iss saal fashion mein khoob hai. Ombre ek Technic hai, jisme hothon par 2-3 color ka prayog kar final color diya jata hai. Isme adhiktar 3 color milaye jate hai. Bride mein iss bar orange color bahut prachlan mein hai. Red color pahale se hi popular hai. Bride ke liye red classic color hai. Indian makeup mein iski khas jagah hoti hai. Red color ke bina shadi adhuri rahti hai. 80% mahilaye shadi mein red ya mahroon color ke kapade phanti hai. Sabhi bright color jaise hot orange, fuchsia color aadi sbhi fashion mein hai.

इसे भी पढ़े  : मेकअप करते समय रखें कुछ जरूरी बातों का ध्यान 

Ombre makeup karne se pahle kuch baton ka dhyan de :

Ombre Makeup

  • Sabse pahle dress kya pahnne wali hai, us par dhyan dena jaroori hota hai. Dress ko compliment karne wala color aap le sakti hai. Ager aap lal color ki dress pahanne wali hai to red ke sath mahroon aur pink ko bhi liya ja sakta hai.
  • Ombre ka matlab hai ki ek hi family ke dark aur light shed lena jaise ki ager aap ne lal color ki lipstick li hai to, us se matching color ko choose karein. 
  • Pahle base lipstick se 1 shed dark outer lipliner lagaye. Line ko thoda thik rakhein. Iske bad base lipstick aur last mein lips ke andar light shed lagaye. Iske upar lip glass lagakar use final touch de.
  • Ghar par bhi iss makeup ko kar sakti hai. Iske ke liye aap apne personal makeup artist ya saloon se makeup ka saman khareedte waqt waha ki expert se ombre makeup karne ki Technic jan le.
  • Iss saal holography ka bhi chalan hai. Iss makeup mein chehre ke kisi bhi bhag ko highlight kiya ja sakta hai. Extra shinning de kar us bhag ko ubhara jata hai. Iss mein golden ya silver color adhik popular hai. Iss bar ankhon ke upar in color ko use karne ka trend rahega. Bride (dulhan) bhi ise lagakar alag look pa sakti hai.
  • Young bride pop color aur bright color pahan sakti hai. Usi ke anusar ombre makeup karein. 
  • Skin color ke adhar par dress ka chayan karein. Taki makeup sahi dikhe.  

Aapko aaj ka hamara yah post Ombre Makeup Beauty ka Naya Trend Kaisa laga aap humein comment kar jaroor bataye sath hi iss post ko like aur share karna na bhulein. 

Thank you….

Leave a Reply

Your email address will not be published. Required fields are marked *