Some homemade hair packs in hindi

Some homemade hair packs in hindi

Baalo ka girna aajkal sabhi ki problem hai. Jo har umra ke logo mein dekhi jati hai. Pradushan, khane mein paushtik tatvo ki kami, tanav aadi hamari dinchrya se judi aadte hi baalo ke girne ka pramukh karan banati hai. Jhadte baalo ko rokne ke liye bazar mein kai tarah ke utpaad mauzood hai. Lekin inme kai aise tatva hai jo baalo mein hone wali problem ko badha sakte hai.

Aapke baalo ki samsya chahe jo bhi ho in sab samsya ke liye some homemade hair packs ke baare mein niche bataya gaya hai. Jo aapke baalo ke liye behtar hai. Chahe wah dandruff ki samsya ho ya jhadte, rukhe aur bejaan ya teliya ya kamjor baal ho ya aapko apne baal jaldi bade karne ho to iske liye sahi hair pack ka istemaal karna chahiye.

Niche diye gaye packs ke bare mein jaan le, aisa hair pack chune jo aapke baalo ki jaroorato ko poora karein.

Egg and beer hair mask for hair conditioning:

Ager aap kisi khass occasions mein jaane wali hai. Aur baalo ko soft and shiny banana chahti hai, to aap ande aur beer se bane hue hair pack ka istemaal karein. Aaiye jante hai ki kaise iss pack ko banaya jata hai…..

Ek kanch ki katori le usme ande fodker dalein aur isse tab tak fete jab tak isme jhag na aa jaye aur ande ke peele aur safed bhag ke beech koi anter pata na chale. Ab isme ek chamach beer ek chamach jaitun ka tel (olive oil) mix karein. In teeno samagrion ka mishran taiyar ker le. Ab iss mishran ko apne baalo aur sar ki twacha mein lagaye aur isse 1 ghante ke liye chhod de tatha apne baalo ko shower cap se dhak le, Baalo ko kisi natural hair cleanser se dhul le.

Beer and oatmeal hair pack for limp hair:

Lambe aur teliya baal ko hamesha problem hoti hai. Iss tarah ke baalo mein chahe jitna shampoo laga le, lekin yah kabhi sunder nahi lagte hai tatha hamesha kamjor aur dabe hue se lagte hai. Kmjor aur bejaan baalo ki samsya ko door karne ke liye khass hair pack ka prayog karein-

Daliya gandagi aur tel ko sokhker baalo ko rukha kiye bina nikal deta hai, aur beer baalo ko shiny banata hai. 2 chamach daliya ko 2 chamach beer mein 5 minute tak bhigoker rakhein. In dono ko achhe se mix karein aur jaroorat padne per bareek pack bnane ke liye blender mein pees le. Aap isme 1-2 chamach tak doodh bhi mix ker sakti hai. Iss pack ka prayog baalo ki jado mein karein, aur adhe ghante ke liye chhod de aur cleanser se baalo ko dhul le iske baad baalo ko dhulne ke liye 1 cup beer ka use ker sakti hai. Jisse baalo shiny aayegi.

Read also : Hair Care Tips Home Remedies In Hindi

Avocado banana hair mask for dry hair:

Ager aapke baal dry aur damage hai to yah gharelu pack aapki hair problems ke liye kafi madadgar sabit ho sakte hai. Kela aur avocado ka bana mask poshak tatvo se bharpoor hote hai. Jo baalo ko nurish karte hai, aur baalo ke dryness aur damage ko door karte hai.

Paka hua kela aur paka hua avocado le. Kele ko chhile aur avocado ke beej ko nikal de. Ab in dono ko blender mein dalker maheen paste taiyar ker le aur iss paste mein 1 chamach shahad (honey) mix karein. Ab iss pack ko apne baalo per lagaye. Pack ko 1 ghante tak baalo mein laga rahne de. Ab iske baad baalo ko kisi achhe hair cleanser se dhul le.

Curd and almond hair mask:

Bejaan hue baalo mein fir se nayi jaan dalne ke liye khatti dahi aur badam se bane iss behtreen hair mask ka use karein. Bazaar mein milne wali khatti dahi ka use na kerke ghar mein bani dahi ka prayog karne se aapko behter parinaam (result) milega.

Ek kanch ki katori le aur usme 3 chamach dahi dalker achhe se fet le. Iss pack ke liye aapko 5-6 badam ki jaroorat hogi. Badam ko maheen pees le bina paani dalein, ab yah powder ke roop mein ban jayega.
Ab badam powder ko khatti dahi ke sath mix karein, aur taiyar hue iss paste ko apne baalo mein aur sar ki twacha mein lagaye. Iss pack ko kam se kam adhe ghante tak laga rahne de. Aur phir shampoo se baalo ko dhul le.

Alove vera and olive oil hair mask:

Yah hair mask winter season mein rukhe baalo ke liye bahut hi upyogi hai. Jaisa ki aap jante hai ki sardiyon mein hamari twacha ke sath-sath baalo mein bhi rukhapan aa jata hai. Iss rukhepan se chhutkara pane ke liye sabse achha upay hai ki vitamin E hair mask ka prayog karein.

Alove vera ke taje patte se guda nikalker maheen paste taiyar ker le. Isme 2 chamach olive oil aur vitamin E 500 capsule ke ander ki poori samagri mix karein. Achhe se mix karne ke baad apne baalo aur sar ki twacha per lagaye. iss pack ko achhe se baalo ke sire se niche tak lagaye aur adhe ghante ke liye chhod de aur iske baad baalo ko shampoo se dhul le.

Jojoba hair pack:

Jojoba pack baalo ko jhadne se rokta hai. Aur yah aapke baalo ki natural shining banaye rakhta hai. 8-10 jojoba ke fool aur pattiya le lijiye, phir in dono ko ek sath masal le. Ab is pack prayog apne baalo aur sar ki twacha per karein. Sar mein lagane ke bad 1 ghante tak chhod de lekin apne sar ko dhak ker rakhein, jisse yah pack sukhne na paaye. Aur bad sar ko sirf garam paani se dhul de.

Amla and brahmi hair pack:

Aajkal to logo ke baal asamay safed hone lage hai. Iss samsya se chhutkara pane ke liye amla aur brahmi ka hair pack kafi effective hai.

2 amla le aur inke beej ko nikal de,ab inhe masalker ek paste taiyar karein. Aur isme 1 chamach nariyal tel, bana hua amle ka paste tatha 3-4 chamach brahmi powder mix ker de. Iss pack ka prayog sar ki twacha aur baalo per karein. Baalo mein lagane ke bad 1 ghante ke liye chhod de aur sar ko shower cap se dhak le. Ab sar ko paani se dhul de. Sirf jaroorat padne per hi shampoo ka use karein.

Aapko aaj ka hamara yah post Some homemade hair packs in hindi kaisa laga, aap humein comment box mein jaroor bataye aur sath hi iss post ko apne friends ke sath share karein aur like karna na bhulein. 

Leave a Reply

Your email address will not be published. Required fields are marked *