Veggie Finger Recipe in Hindi

Veggie Finger Recipe in Hindi

Veggie finger for baby : Veggie finger recipe bahut hi asan aur jaykedar fast food dish hai. Yah bahar se kurkura aur ander se mulayam hota hai. Yah chhote bachho ki pasandida fast food recipe hai. Vaise to vegetable finger alag-alag tarah se banaya aur khaya jata hai, lekin hum aapko bahut hi asan tarike se veggie finger banana batane ja rahe hai.

Bahut se log veggie finger ko restaurant mein khana pasand karte hai. Kyoki unhe aisa lagta hai ki ghar mein restaurant jaisa taste nahi mil pata hai. Iss asan veggie finger ko aap ghar mein bana ker chhote bachho aur apne mehmano (guest) ko bahut hi kam samay mein khush kar sakte hai. 

Iss fast food mein aap apni pasand ki sabjiya bhi dal sakte hai. Sabjiya hamari sehat ke liye bahut hi faydemand hoti hai. Akser bachhe sabji ke naam se bhagte hai to aap unhe veggie finger banaker de sakte hai kyoki bachhe fast food aur snacks ke diwane hote hai. 

Read also : Paneer Tikka on Tawa Recipe in Hindi 

Samagri:-

  • 3- ubale hue aaloo (mash kiye hue).
  • 1/2 cup kaddukas kiya hua gazar.
  • 1/4 cup kati hui methi.
  • 3-4 kati hui beans.
  • 2 tablespoon-makai ka aata.
  • Namak swadanusar.
  • Kali mirch swadanusar.
  • 1 kaddukas kasi hui cheese.
  • 1 cup bread crumbs.
  • Talne ke liye tel.
  • 4 tablespoon- paani. 

Veggie finger banane ki vidhi :

Sabse pahle ek bade katore mein sabhi samagri ko dalker achhi tarah mila le aur mishran bana le. Ab us mishran ko fingers ka (aakar) shape de aur makai ke aate mein thoda paani milaker paste bana le. Ab iss paste mein ek ke bad ek kerke sabhi veggie finger ko dalker nikal le, phir unper bread crumbs ki parat chadha de. Ab tel ko garam karein, jab tel garam ho jaye to usme sabhi veggie finger dalker sunhara (golden) hone tak tal le. Ab aapka veggie finger recipe taiyar hai, aap isse serving plate mein nikal le aur ketchup ke sath serve karein.

Mai umeed karti hu ki aapko aaj ki humari yah Veggie Finger Recipe in Hindi jaroor pasand aayi hogi. Jise aap apne friends group aur social networking site par like aur share karna na bhulein, sath hi iss post se jude kisi bhi saval ya sujhav ke liye comment karna na bhulein.

Leave a Reply

Your email address will not be published. Required fields are marked *